«Ұлттық мұра — ұрпаққа аманат» музейлік жобасы «Дәстүр мен ғұрып» арнайы жобасын жүзеге асыруға арналған.
Жобаның мақсаты:
Қазақ халқының ұлттық, мәдени құндылықтарын, салт-дәстүрлерін сақтау, зерделеу, дәріптеу, оларға ұқыпты қарау. Халықтың өмірін, тұрмысын, салт-дәстүрін, мәдениетін бейнелейтін, былғарыдан, сүйектен, ағаштан, метал
дан, жүннен, киізден бұйымдар жасау дәстүрлерін, тәсілдерін сақтаған сәндік-қолданбалы өнер шеберлерінің, халық шеберлерінің, қолөнершілердің жұмыстарын көпшілікке тарату. Қазіргі заманғы сәндік-қолданбалы өнер шеберлерінің, халық шеберлерінің, ұрпақтан-ұрпаққа беріліп келе жатқан халықтық қолөнер дәстүрлерін тасымалдаушылардың шығармашылығына қызығушылықты қалыптастыру.
Патриотизмге тәрбиелеу, ұлттық мәдениетті сақтау, оның құндылықтары мен дәстүрлерін әрбір қазақстандық ұрпақтың өмірінде жаңғырту.
Жобаның өзектілігі:
Қазақ халқының сәндік-қолданбалы өнері халықтың рухани, көркем мәдениетінің, дүниетанымының, салт-дәстүрінің ажырамас бөлігі болып табылады.
Сәндік-қолданбалы өнер туындыларының құндылығы – табиғи әлемді, материалдық, рухани мәдениетті бейнелейтіндігінде. Бұл әсіресе біздің заманымызда халықтық өнердің рухани маңыздылығы артуда.
Халық қолөнеріне деген қызығушылықтың жандануы зергерлердің, ағаш, тері, сүйек, киіз, металл бойынша жұмыс шеберлерінің ұрпақтан-ұрпаққа жалғасатын дәстүрлі өнерін сақтауға және дамытуға мүмкіндік береді.
Бұл жоба халық қолөнерінің дәстүрлі түрлерін насихаттауға, Ақмола облысы мен Көкшетау қаласының сәндік-қолданбалы өнер шеберлерінің жаңа есімдерін анықтауға мүмкіндік береді.
Жобаның міндеттері:
Ұрпақтан-ұрпаққа беріліп келе жатқан халық қолөнерінің дәстүрлерін сақтаған және жаңғыртқан жас суретшілердің, халық шеберлерінің, қолөнершілердің есімдерін анықтау. Сәндік-қолданбалы өнер шеберлері жұмыстарының жәрмеңке-көрмелерін ұйымдастыру, шеберлік сыныптарын өткізу. «Білгенге – маржан!» онлайн-айдары арқылы халық шеберлерінің шығармашылығын, қазақ халқының салт-дәстүрін, рухани мұрасын сақтау және дәріптеу.