1824 жылы 29 сәуір күні Көкшетау тауының баурайында Көкшетау округтік приказы салтанатты түрде ашылды. Көкшетау сыртқы округының тұңғыш аға сұлтаны болып, Абылай ханның немересі Ғұбайдолла Уәлиханов сайланды. 2010 жылы сәуір айында Көкшетауда өңірдегі алғашқы «Оқжетпес» балалар — жасөспірімдер футбол мектебі ашылды. Мектеп бұрынғы БЖСМ-нің жөнделген ғимаратында орналасқан.
2018 жылы 21 сәуірде Көкшетауға Ресейден Газ-М20 «Победа» сирек кездесетін автомобильдеріндегі «Победа-одна на всех» халықаралық медиа-экспедициясының қатысушылары келді. Ханты-Мансийск округінің Югра Думасының Жастар парламенті ұйымдастырған экспедиция Ресейдің әртүрлі қалаларына, ТМД-ның үш еліне барды.
2020 жылы 20 сәуірде Көкшетауда еліміздегі алғашқы ПТР-зертханалардың бірі ашылды, онда әрбір адам коронавирустық инфекцияға тест тапсыра алды.