1963 жылдың 23 наурызы күні қаламызда 700 орынға арналған «Достық» мемлекеттік кинотеатры ашылды. Кинотеатрдың үлкен, ыңғайлы залында кең форматты ақ-қара, кейіннен танымал киностудиялардың түрлі-түсті фильмдері көрсетіле бастады. Қандай фильмдер көрсетілетінін білу үшін көрермендерге кинотеатрға бару немесе газет бетінде жарияланатын кестені оқу керек болатын. Премьераларға билеттер көбінесе алдын ала сатылатындықтан, тұрғындар касса алдында кезекте тұратын. «Достық» кинотеатры қала тұрғындарының дос-жарандарымен қауышатын, түрлі кездесулер ұйымдастыратын, жаңа фильмдерден ләззат алып, оны бірге талқылай алатын сүйікті орынға айналды.
26.12.2023